“Ekologik auditorlarni tayyorlash” malaka oshirish kursining ilk bitiruvchilariga diplomlar topshirildi
02.
05. 2024
17:32
2049
Yangiliklar

Ekologiya, atrof-muhitni muhofaza qilish va iqlim o‘zgarishi vazirligida “Ekologik auditorlarni tayyorlash” o‘quv kursi bitiruvchilariga diplomlar berildi. Diplomlarni bitiruvchilarga Ekologiya vaziri o‘rinbosari Jusipbek Kazbekov topshirdi.

Ma’lumot uchun, Markaziy Osiyo atrof-muhitni muhofaza qilish va iqlim o‘zgarishini o‘rganish universiteti qoshidagi Atrof-muhitni muhofaza qilish sohasida faoliyat koʻrsatayotgan xodimlarni qayta tayyorlash va ularning malakasini oshirish markazi tomonidan “Ekologik auditorlarni tayyorlash” oʻquv kursi tashkil etilgandi. 

O‘quv kurslari Oʻzbekiston Respublikasining “Ekologik audit toʻgʻrisida”gi 2021-yil 15-martdagi 678-sonli Qonuni, Vazirlar Mahkamasining “Ekologik audit sohasini tartibga soluvchi ayrim normativ-huquqiy hujjatlarni tasdiqlash toʻgʻrisida” 2023-yil 19-avgustdagi 402-sonli qarori hamda Ekologiya vazirligining “Vazirlar Mahkamasining 2023-yil 19-avgustdagi 402-sonli qarori ijrosini taʼminlash toʻgʻrisida” 2023-yil 22-avgustdagi 259-sonli buyrugʻiga asosan tashkil qilindi.

Dastlabki o‘quv kursini 44 nafar tinglovchi muvaffaqiyatli tugatdi. Bu tinglovchilar markazning birinchi bitiruvchilari hisoblanadi.

 

Foydali manbalar